Enseñansa di Aruba a conoce bon iniciativanan, y como pais chikito, ta proyectonan cu por a keda ehecuta mirando e escala chikito di e pais. Pero den mesun rosea tin problemanan cu ta rekeri atencion.
Esaki ta djis un conclusion chikito di e rapport di investigacion cu Inspeccionnan di Enseñansa di Hulanda y di Aruba a haci conhuntamente. E rapport a keda publica Diabierna nochi riba website di Gabinete Wever Croes, pero ex-Minister di Enseñansa, Rudy Lampe tabata cita di e investigacion durante su periodo como e persona encarga di enseñansa y awor por lesa esakinan preto riba blanco.
E investigacion tabata den man di un grupo di trabao cu a haya e instruccion pa revisa e sistema di enseñansa di Aruba. Mester a analisa e problemanan, formula recomendacion y inicia topiconan pa ehecucion di e recomendacionnan. E grupo di trabao mes no ta responsabel pa implementacion di e recomendacionnan.
Bon Dia Aruba lo amplia riba e contenido di e rapport den e siman cu ta bin.
