(NLTimes) – Hulanda y Eurozone ta hopi probabel di permanece afecta pa inflacion halto te cu por lo menos mita di aña 2023, segun president di Banco Central di Hulanda, DNB.
President Klaas Knot di DNB ta premira cu e periodo di inflacion aumenta lo dura mas cu un aña y ta asumi cu e European Central Bank (ECB) lo subi e tasa di interes den e di cuarto kwartaal di e aña aki. E president di e banco central Hulandes, ken tambe ta un di e trahadonan di politica na ECB, a haci e calculacion aki riba e programa di television “Buitenhof.”
Den lunanan recien, inflacion a aumenta na e nivelnan mas halto cu a mira den decada. Bida diario a bira considerablemente mas caro, mas tanto causa pa e gran aumento den prijs di energia, pero hopi productonan manera por ehempel den supermarket, tambe a subi den prijs. Esaki ta crea problemanan specialmente pa e ciudadanonan Hulandes cu no tin placa extra pa gasta segun loke Knot ta conta.
NOS a reporta cu Knot a analisa inflacion den futuro cu su coleganan na ECB siman pasa. “Awo mi ta kere cu, basa riba e analisis aki, e inflacion na Eurozone lo permanece riba 4 porciento pa mayoria di e aña aki,” Knot a bisa, segun NOS.
President di DNB a senala cu e causanan di inflacion halto ta mas tanto fuera di Hulanda. Sinembargo, te ainda e no a identifica e ‘wage-price’, cual ta e momento unda cu companianan ta subi e salario di e empleadonan, cual ta subi e inflacion mas ainda. Esaki ta e motibo dicon Knot ta asumi cu e aumento di prijs lo yega na un final den algun momento.
Un manera hopi usa pa combati inflacion halto ya di subi e interes. Segun Knot, ECB tin mas herment den nan man ademas di subi e interes. Prome, ECB su programanan di apoyo mester ta den fase. Medidanan ya caba a ser tuma, y segun Knot, esaki ya caba a causa cu e interes a subi den mercado financiero, aunke levemente.
