Diahuebs 3 di februari, Parlamento di Aruba a trata e ley di Landsverordening Instelling Ministerie, LIM cu e keda aproba. LIM ta e ley cu ta institui ministerionan y despues di un formacion di gobierno ta regla legalmente e reparticion di e ministerionan bao diferente minister.
Prome Minister Evelyn Wever-Croes den un comunicado di prensa a indica cu esaki ta algo cu ta pasa cada 4 aña y ta depende totalmente di e palabracionnan cu ta wordo haci durante formacion.
Mocion
Segun e comunicado, ‘mirando e comportamento di oposicion cu tabata na un nivel hopi abao’, fraccion di Raiz y MEP a presenta un mocion pa asina traha un comision den Parlamento, ‘mirando cuanto critica oposicion tabata tin riba e ley aki’.
Di su banda, oposicion a trece un mocion den cual nan ta haya cu Gobierno mester bay pa 7 minister.
Diahuebs e ley a pasa y e ministerionan ta institui legalmente segun e palabracionnan cu a wordo haci den formacion.
