(TMZ) – Michael Jackson a yega Broadway y riba dia di apertura di e show su yiunan a mira nan tata subi escenario un biaha mas.
Tur 3 di Michael Jackson su yiunan a atende e apertura mundial di “MJ: The Musical” diamars anochi na ‘Big Apple’ cu Paris y su ruman homber grandi Prince, subiendo escenario dilanti camara prome cu a subi e cortina.
Michael su yiu muhe a bisti un shimis hopi chic y Prince a mantene su vestuario clasico cu un trahe preto. Nan ruman homber chikito, PRince Michael, ken tambe ta conoci como Blanket, despues a ser mira saliendo for di Neil Simon Theatre tambe cu un trahe preto.
Mientras cu e fanaticonan di MJ tabata hopi emociona pa mira e difunto su yiunan presenta na e show cu hopi orguyo, e criticonan no a ser complaci pa motibo cu nan tabata disgusta cu e contenido di e show mes, specificamente loke esaki ta cubri, y loke e no ta cubri.
Segun rumornan, e programa ta trata Michael su bida den comienso di ananan 90 ora cu el a cuminsa su tour mundial “Dangerous”, durante cual el a biaha rond di mundo dunando un cantidad asombroso di concierto, y a recauda miyones di dollar pa obranan di caridad.
Esaki ta zona master, pero e problema ta cu no tin mencion di un gran scandal cu el a enfrenta durante e tempo aki, manera acusacionnan di abuso di muchanan y un demanda cu a resulta for di e scandal di Jordan Chandler y su famia, cual eventualmente a caba na un acuerdo di 23 miyon dollar.
Pa motibo cu e produccion di Broadway no ta menciona e topico aki mes den e show, algun ta yamando esaki un version cu censura di MJ su historia, particularmente e parti aki.
