E Memorandum of understanding (MOU) di Reino Hulandes riba e identidad di Caribe pa e reforma y e desaroyo di COHO tabata e tema riba agenda ayera durante di e reunion entre e paisnan CAS y e secretario di estado di relacionnan di reino Alexandra van Huffelen. Prome minister di Corsou Gilmar Pisas y minister di finansas Javievier Silvania a asisiti na e reunion virtual. Tambe tabata presente prome minister di Aruba Evelyn Wever Croes y prome Minister di St Maarten Silveria Jacobs.
Corsou di su parti no ta diacuerdo pa entrega extra poder finansiero pa CFT cu ta poni den e MOU. Netamente esaki tabata e e motibo tambe cu e MOU no a keda discuti na Hulanda december ultimo.
Secretario di estado Raymonds Knops a nenga na e momento ey di a pone condicionnan nobo den e MOU. Esaki tambe ta un di e motibonan cu e negosacionnan entre e islanan ta durando lunanan sin cu tin un resultado. Sinembargo ya caba tabatin un acuerdo cu e 4 paisnan di CAS tin cla pero solamente lo mester a confirma esaki.
Prome Minister di Corsou ayera a solisita pa un agreement cu tur e preocupacionnan di e islanan ta skirbi pa asina tur e puntonan keda treci padilante den reunion na Hulanda durante di e tratamento di e ley.
Ademas di esaki a haci peticion pa e parlamentarionan di cada isla tambe haya e oportunidad di presenta amienda durante e debatenan riba e ley di Reino (COHO)
