CMC no sa nada tocante plan di Pisas pa trece Cubano na Corsou

(CuraçaoChronicle) – Centro Medico Corsou (CMC) no sa nada tocante plannan pa trece proveedornan di cuido di salud for di Cuba na Corsou.

Durante conferencia di prensa siman pasa, prome minister di Corsou, Gilmar Pisas a bisa cu su gobierno a busca contacto cu Cuba. Personal medico lo por bin for di e isla en cuestion pa alivia y duna asistencia na empleadonan di CMC.

“Nos ta buscando pa e mayor cantidad di hende posible den e region”, Pisas a bisa, agregando cu tabatin ainda ‘cierto aspecto’ cu mester resolve, manera vivienda pa proveedornan Cubano di cuido di salud, y posible problemanan di comunicacion pa motibo di idioma Spaño. E prome minister tampoco a duna clarificacion riba con ta bay financia e plan en cuestion.

Vocero di CMC, Germaine Gibbs, a bisa cu 45 trahador di cuido di salud actualmente ta traha den e hospital mediante e agencia di empleo Mericano, AMI. Di esakinan, 24 ya tabata riba e isla for di aña pasa. E otro 21 a cuminsa trabao na CMC parcialmente na comienso di januari, y parcialmente siman pasa.

E dunadornan di cuido adicional ta desplega den Unidad di Cuido Intensivo, y su salarionan ta paga pa Hulanda, mientras nan vivienda ta paga pa Corsou.