Riba pagina social Facebook ta circulando un rumor cu empresario Stephen Daal lo a retira su mes for di directiva di partido Pueblo Orguyoso y Respeta (POR). Daal kende oficialmente ainda ta carga e responsabilidad di secretario pa e partido lo a declara di a haci un cos sin pensa, esta pa forma parti di un partido politico segun e rumor ta bisa.
Notabel di e rumor aki ta, cu parse Daal lo a declara tambe di a informa prome Minister Mike Eman di su desicion. Segun un fuente anonimo serca di e proceso, e retiro di sr. Daal posiblemente lo ta vincula cu represalia politico. “Mi a haci un cos sin pensa. Mi a haya problema cu mi socionan den negoshi.”, e rumor di Daal riba Facebook ta bisa.
REACCION OTMAR ODUBER
Bondia Aruba a aserca presidente di e directiva di POR sr. Otmar Oduber y den un declaracion corto na e momento ey e la bisa: “Mi no a haya un retiro ainda dus mi no sa di esaki.”
Lo tuma contacto cu sr. Daal pa tende su declaracion.
