(SundayExpress) – Cu e Organisacion Mundial di Salud (OMS) dunando luz berde pa vacuna muchanan di cinco pa 11 aña di edad contra COVID-19, e Ministerio di Salud ta prepara pa cuminsa implementa su programa di vacunacion pa e grupo di e edad ey.
Minister di Salud Terrence Deyalsingh a informa diabierna cu e Ministerio lo participa den consultanan prime cu e lansamento planifica. Deyalsingh a papia durante e conferencia di prensa virtual di e Ministerio.
Diabierna OMSa recomenda e extension di e uso di un dosis reduci di e vacuna Pfizer pa muchanan di cinco pa 11 aña. E vacuna Pfizer a wordo recomenda anteriormente pa OMS pa muchanan di 12 aña bay ariba.
Deyalsingh a duna bon bini na e recomendacionnan di OMS y a bisa cu hopi mayor, dokter y pediatranan tabata wardando ansiosamente e lansamento di e vacunanan pa muchanan di cinco pa 11 aña. Sinembargo el a bisa tin un proceso cu mester wordo sigui.
“E director medico lo convoca su grupo di asesornan tecnico pa pasa over e direccionnan provisional actualisa cu OMS a publica ayera”, Deyalsingh a bisa. “Nos lo consulta tambe e Organisacion Panamericano di Salud (OPA) y e Agencia di Salud Publico di Caribe (Carpha) pa wak nan detayenan tecnico”.
Deyalsingh a bisa cu ya caba en tabata den contacto cu e Secretaria di Salud di e Camara di Asamblea di Tobago, Dr. Faith B. Yisrael, pa coordina un lansamento nacional y un programa nacional di capacitación y sensibilisación pa esunnan cu mester administra e vacunanan.
Deyalsingh a señala cu e informacion anterior a indica cu e vacuna pa e grupo di cinco pa 11 aña lo ta un dosis diferente, un regulado diferente y un empaque diferente. Sinembargo, el a bisa, nan lo examina e reglanan provisional di OMS pa determina di e vacunanan actual por wordo usa si cambia e dosis.
“Unabes cu nos tin un posicion, nos lo acudi na e poblacion nacional pa discuti e lansamento nacional”, el a bisa.
