Durante conferencia di prensa ayera mainta Minister di Husticia y Asuntonan Social, Sr. Rocco Tjon a informa cu vacatura pa Alto Comisario di Polis di Aruba a habri y esaki ta habri no solamente pa cuerpo policial, pero tambe pa publico. Lo considera tur candidato cu cumpli cu e rekisitonan y e vacatura lo ta habri te cu dia 10 di februari.
Durante e seccion di pregunta di e conferencia di prensa di Minister Tjon, el a ricibi varios pregunta, entre otro si KPA no tin preferencia pa un persona di cuerpo policial mes yena e vacatura aki y Minister a indica cu lo tin preferencia pa un persona local, pero lo considera tur candidato, polis of no, cu ta cumpli cu e tur rekisitonan pa bira Alto Comisario.
Pa loke ta trata e plataforma di reino, Minister a ricibi pregunta ariba e funcion di Aruba specificamente den e plataforma aki y kico esey ta nifica. Preguntanan tocante e situacion actual cu ilegalnan na Guarda Nos Costa y entrada na varios ocasion di botonan cu personanan ilegal na Sero Colorado tambe a wordo treci pa dilanti. Pregunta tocante kico lo pasa cu e autonan bieu cu ta para na warda di polisnan, mehoracion di infrastructura di edificionan policial y tambe el a elabora ariba e posibilidad pa yega na un departamento como tal di slachtofferhulp.
Mas informacion ariba e topico aki den nos edicion di Bon Dia Aruba di mañan.
