Aruba mester hiba un maneho fuerte pa proteha rifnan saludabel y tambe e populacionnan di gutu
Degradacion di rif y Aruba mester tin un bon maneho pa proteha e lagoennan pazuid di e isla y tambe e populacion di gutu. Y aunke tin parti di nos caynan cu ta saludabel, otro areanan ta practicamente degrada. Asina CARMABI ta bisa den su rapport riba e condicion di rif na Aruba.
Na Aruba, e populacion bentico, esta e organismonan cu ta biba den e region ecologico cu menos profundidad, esta e seco di lama, ta hopi varia. Pa motibo di e lagoen aki, awanan relativamente seco, cu ta protegi pa rifnan di coral den area zuid a crea un distribucion y composicion di comunidad di awa seco cu ta diferente cu di Corsou of Boneiro.
E abundancia di coral na Aruba ta naturalmente abao pa motibo di presencia di santo. Es mas, e presencia di e santo ta complica e posibilidad pa compara e coralnan na Aruba cu otro rond mundo.
Pero un cantidad grandi di indicador ta ilustra si un degradacion continuo di e comunidadnan di coral, unda na parti noordwest di Aruba practicamente a mira e coralnan desaparece. E desaparicion di organismonan cu ta traha rifnan di coral ta un señal di sobrepesca, y e presencia di polucion cu ta origina riba Aruba y presencia di gruponan organico cu ta conoci di ta impacta crecemento di e rif, manera alga y bacteria ta mustra cu e rifnan di coral di Aruba ta experienciando un caida den salud y abundancia. E bon di e situacion di Aruba ta cu su caracteriscanan unico ta limita e degradacion na un cierto nivel. Motibo ta e presencia di un comunidad relativamente salud di gutu cu ta evita cu e alga ta crece descontrola, mientras cu coriente di lama fuerte ta baha e concentracion di polucion, mientras cu e lagoen ta fungi como filtro natural pa otro sushedad cu ta produci riba e isla. Como tal, e lagoen, e populacion di gutu mester forma parti di un maneho fuerte.
Bubali Plas
Esaki ta esencial mirando e con hopi e degradacion di e comunidadnan di coral rond Caribe. Pero CARMABI a adverti particularmente riba e problema di e Bubali Plas. E fluho di nutriente, formanan di polucion y otro contribucion organico cu ta drenta Bubali Plas tin impacto riba lama. No solamente pa motibo di e sistema infrastructural ta cayendo den otro, pero tambe pasobra tur e material aki ta pasa pa lama pa medio subteraneo. Esaki ta contribui na e microbiolisacion di e seccionnan di cay den e parti noordwest, cu mester tin atencion urgente mirando e gran abundancia di microbio patogenico.
Degradacion di rif lo tin mas cu un consecuencia
Mientras cu e degradacion di e sistemanan di rif di Aruba lo tin consecuencia negativo pa pesca y ecoturismo, e aumento di organismo peligroso ta complica e recuperacion di e sistemanan di rif na e parti noordwest di e isla. E lo reduci e atractivo di e areanan aki pa turista y lo tin consecuencia pa salud publico. Pues, Aruba lo perde lo recurso natural valioso di comunidad di pisca y coral cu ta sostene su economia y a cambio ta confronta retonan mas grandi di e organismonan cu a tuma nan luga.
Awanan rond Aruba ta sufri bao polucion riba e isla
Aunke cu corientenan fuerte di lama ta mitiga polucion cu ta procedente di superficie di e isla, manera awa di pos, y otro sushi di industria y industria turistico, asina mes cientificonan a haya prueba con nan ta afecta e costa di Aruba. E substancianan ta interferi cu e dinamica natural di e comunidadnan di coral y cu ta resulta den un degradacion di e rifnan. CARMABI a haya prueba di e presencia amplio di organismonan peligroso aki y ta conseha pa Aruba tuma paso fuerte si kier para of cambia e direccion di degradacion di comunidadnan di rif. E presencia di un lagoen ta minimalisa e efectonan te na un cierto grado, pero solamente pa substancianan relata na koffie, desperdicio humano y medico, por ehempel.
Pero no ta rifnan di coral ta e unico comunidad marino ta den decadencia. E maneho di e comunidadnan costal di Aruba mester ta mas amplio cu e rifnan di coral so, segun CARMABI. Motibo ta cu e comunidadnan di yerbe di lama ta impacta pa especie invasivo, particularmente unda e yerbe local a sufri daño pa motibo di actividad humano of fluho natural di sedimento. E comunidadnan di yerbe di lama ta fungi como cuna pa piscanan di rif, y ta un filtro natural pa algun sushedad genera riba Aruba y nan preservacion ta esencial.
Tin algun comunidad di rif cu ta saludabel
Di otro banda, a pesar cu e degradacion ta amplio, tin areanan di comunidad di rif cu ta saludabel. Nan ta caracterisa pa hopi coral, abundancia halto di gutu y poco presencia di alga. Ta trata aki di particularmente e rifnan memey di e isla. E rifnan aki ta ilustra cu crecemento di coral ta posibel localmente. Si gutu ta den abundancia, e pisca ta controla e proliferacion di alga, hasa si tin concentracion di nutriente cu normalmente ta stimula e crecemento di e alganan. E areanan aki merece atencion di maneho pa preveni cu e ultimo comunidadnan di rif cu ta funciona bon por sufri degradacion. Mester bin cu un strategia pa asisti recuperacion en bes di permiti e rifnan degrada prome.
Den e edicion di mañan lo publica e ultimo parti di e conclusionnan di e rapport, cu ta papia di e impacto riba otro animalnan marino, manera e calco, cu ta danki na esfuerso di Biologo Genser den decada di 70 a bolbe den awanan di Aruba, pero atrobe ta coriendo peliger.
