Manera ta custumbra, DVG ta publica resumen diario tocante e situacion actual di COVID-19 aki na Aruba, unda cu ta reporta e cantidad di casonan nobo, entre otro detayenan.
Segun e resumen publica recientemente, a mira e recuperacion di 575 persona, mientras cu a registra un cantidad di 257 caso nobo di COVID-19 di cual 73 no ta residente.
E cifranan aki ta representando un tasa di positividad bao di nos residentenan di 70 porciento.
E cantidad di casonan activo di COVID-19 pa dia di awe ta 1500 caso, y e cantidad di fayecidonan relaciona cu COVID-19 a keda constante na 184 morto.
Datonan ta ilustrando cantidad di casonan nobo di COVID-19 cu un averahe semanal di 469 caso pa dia y un averahe den e tasa di positividad semanal di 63 porciento pa dia.
Na hospital di Aruba actualmente tin 39 persona interna cu of debi na COVID-19, di cual den unidad di cuido intensivo of ICU tin 6 persona, y interna den e piso general tin 33 persona. Na Colombia tambe tin personanan interna, cual ta 3 persona den ICU y ninguno (0) riba piso general.
