(AP) — Un hues evaluando acusacion di fraude contra ex-CEO di Theranos, Elizabeth Holmes a enfrenta un di cinco dia di deliberacion ayera. Holmes ta enfrentando 11 cargonan criminal acusando cu el a gaña inversionista- y pashentnan door di gaba e tecnologia di test di sanger di su compania como un descubrimento medico, mientras en realidad tabata plaga pa erornan enorme.
E ocho homber y cuatro muhe den hurado ta reuniendo na un corte federal na San Jose, California, despues di absorbe cantidad di evidencia durante un huicio di perfil halto cu a captiva Silicon Valley.
Siman pasa, e hurado a manda dos nota na hues di districto Mericano, Edward Davila – un haciendo un solicitud rapidamente rechasa pa bay cu nan instruccionnan cas pa sigui studia nan, y otro pa permiti nan mira di noboun grabacion di 2013 den cual Holmes ta discuti Theranos cu posible inversionistanan.
E hurado a completa e sesion dialuna sin duna ningun pista riba con leu nan ta den nan deliberacionnan. Hurado tabata programa pa reanuda nan discusionnan ayera mainta. E caso a atrae atencion global. Den su centro ta e ascenso y caida di Holmes, kende a cuminsa Theranos mientras e tabata un dropout di 19 aña di edad y despues a bay pa drenta e cultura domina pa machismo di Silicon Valley cu su declaracionnan audaz y habilidad pa recauda fondo. El a converti den biyonario riba papel prome cu tur cos a evapora memey di acusacionnan cu e tabata mas un charlatan cu un entrepreneur.
