Mirando e situacion di aumento di casonan di Covid-19 pa via di e vairante nobo Omicron y pa evita cu esey lo sigui tuma luga, e Comision Promove Cultura & Fundacion Cultural di Festivalnan Folklorico mediante un comunicado a anuncia cu debi na e reglanan nobo cu Crisisteam y Gobierno di Aruba a implementa nan como organisadonan a yega na un areglo pa loke ta Festival di Dande Infantil – Hubenil – Adulto 2021.

Festival di Dande ta bay tuma luga awe y mañan pero cu algun reglanan nobo, por ehemplo:

1. Festival ta bay door riba e fechanan 29 y 30 December 2021 pa 7:00 PM – 1:00 AM. Festival di Dande Adulto ta riba dia 29 di December y Festival di Dande Infantil – Hubenil ta riba dia 30 di December.

2. Festival ta cambia di localidad for di Centro di Bario Tanki Leendert pa studionan di ARUBA TV.

3. Debi na e aumento di casonan di COVID-19, ta pone cu festivalnan di Dande ta bira virtual.

4. Festival ta keda en bibo (live) riba diferente plataforma y medionan di comunicacion.

5. Festival ta cambia y no por tin publico presente; solamente den festival di dande infantil-hubenil ta na unda cu lo acepta pa e participante wordo acompaña pa su mayornan y su entrenado (coach) durante su presentacion.

6. Debi na aumento di casonan di COVID-19 y pa bienestar general di tur persona rond di e festival di dande, solamente por tin 16 persona riba escenario, excluyendo e cantante, tur integrante di e agrupacion musical mester tin un tapaboca bisti.

7. Tur persona cu drenta, mester tin un tapaboca bisti, uza hand sanitizer y lo controla temperatura na porta.

8. Debi cu festival ta bay virtual, nos ta introduci #DandeChallenge na unda cu famianan por participa door di manda un potret y nan lo pasa esey durante e festival di dande pa di e forma ey nan sinti e calor di e comunidad cu ta mirando e festival, door di esaki nos ta encurasha famianan pa prepara y disfruta di e festival di dande na cas den seno familiar.

9. Nan lo duna di conoce e ganadonan e anochi mes di festival.

Nan comisionnan a y ta trahando duro pa e festival y e tradicion keda bibo y intacto den muchanan, hoben y adultonan, nan ta gradici: Minister di Cultura, DCA, CCDN, SETAR, WEB, ELMAR, AAA, FUTURA pa ta patrocinadonan oficial di ambos festival.

Manera ta conoci, e secuencia di agrupacion ta lo siguiente:

#1. Grupo di Amigo

#2. Tipico Cunuco di Tochi

#3. Oruba

#4. Zonido di Antaño

#5. Sabor Crioyo

#6. Alma Folklorico

#7. Nos Folklor

#8. Tipico Macuarima

#9. Tipico Ambiente

#10. Tipico Fortalesa

#11. Tipico Ayo

Ta un total di 11 agrupacion musical cu lo compaña 31 participante pa Festival di Dande Adulto.

Lo saca Rey & Reina di Dande 2021, di dos luga y di tres luga. Mesun cos ta conta pa categoria di Tipico y Propio Composicion.