(CuraçaoChornicle) – Siman pasa, al menos cuatro crucero a keda prohibi di drenta port of call of prohibi di desembarca den continente Mericano pa motibo di casonan di Covid-19 abordo. Maske otro cruceronan tabatin casonan desde cu barconan basa na Merca a reanuda servicio e berano aki cu rekisitonan di vacunacion y otro medidanan cu intencion pa minimisa brotenan, e cantidad di crucero forsa pa altera nan itinerario ta parce di a aumenta.

E interupcionnan ainda ta keda leu di loke a mira na maart 2020, tempo cu e pandemia a shut down henter e industria conduciendo na simannan di esfuerso pa trece e pasaheronan cu ya tabata abordo, como tambe e miembronan di tripulacion, back na cas mientras e wafnan a cera pa barconan afecta pa e virus.

Asina mes, interupcionnan siman pasa a yega memey di preocupacion rond mundo tocante e variante altamente contagioso di coronavirus, Omicron, mientras cantidad di caso di Covid-19 na Merca y otro lugarnan a aumenta.

E interupcionnan recien na barconan crucero ta inclui:

*Oficialnan Mericano no a permiti e Holland America Line Koningsdam di permiti su pasaheronan desembarca na Puerto Vallarta riba diahuebs, despues cu 21 miembronan di tripulacion a test positivo pa Covid-19, segun Departamento di Salud di estado Jalisco. Un ‘cantidad chikito di miembronan di tripulacion completamente vacuna’ a test positivo y tur a mustra sintoma leve of tabata asintomatico, segun Holland America Line a indica.

Inicialmente, autoridadnan di salud di Jalisco inicialmente tabata bay permiti hende cu ta test negativo pa desembarca. Sinembargo, nan a cambia nan pensamento, citando un ‘aumento exponencial di casonan confirma entre e tripulacion’ pa diahuebs, segun e departamento a bisa. Apenas un miembro di tripulacion a test positivo un siman prome, segun e departamento.

E barco, cu a sali di San Diego dia 19 di december cu mas di mil pasahero y mas di 870 miembro di tripulacion, a bishita Cabo San Lucas y Mazatlan prome cu a yega Puerto Vallarta. Tabata programa pa bay back San Diego riba diadomingo.

Holland America Line, manera otro compania di crucero den e storia aki, ta rekeri pasaheronan y tripulacion pa ta completamente vacuna contra Covid-19, cu excepcion pa mucha.

*Wafnan na Bonaire y Aruba a prohibi entrada na e barco Carnival Freedom riba diaranson y diahuebs respectivamente, despues cu un ‘cantidad chikito’ di hende abordo a test positivo pa Covid-19, segun e linea crucero. Sinembargo, e compania a prepara un parada reemplaso diabierna na Republica Dominicana.

Diamars, a permiti e barco pa para na Corsou. Dr. Izzy Gerstenbluth, epidemiologo nacional pa Corsou, a bisa cu e barco a alert’e prome cu su yegada cu miembronan di tripulacion a test positivo. Despues cu el a bishita e barco y a determina cu e casonan tabata conteni entre e tripulacion, Corsou a permiti e pasaheronan di e barco pa desembarca, cu e tripulacion permaneciendo abordo, Gerstenbluth a bisa.

E barco a bolbe na Miami segun plan riba diadomingo, e linea crucero a bisa.
Pasahero Jim Storupski a bisa cu su experiencia abordo tabata positivo. Su esposa, Connie, a elogia e compania pa su protocolnan di seguridad di Covid-19 y a bisa cu nan a pasa bon. E pareha a bisa cu nan tin plan pa biaha cu e compania atrobe dentro di dos siman.
Otro pasaheronan a reporta un experiencia diferente. “Tabata horibel”, Leah Murray a bisa WPLG tocante su frustracion pa cu e casonan di Covid-19 abordo. “Nan no a informa nos di casi nada. Nan a laga tur hende haci manera nada a pasa.” El a bisa cu el a sinti cu e linea tabata ‘hopi iresponsable’ cu nan protocolnan pa Covid-19.

*Oficialnan na Corsou y Aruba a nenga entrada na e Royal Caribbean Odyssey of the Seas siman pasa, despues cu 55 miembronan di tripulacion y pasaheronan completamente vacuna a contrae Covid-19, segun Miami Herald a reporta diaranson.

Autoridadnan di Salud Curasoleño a dicidi cu e porcentahe di hende abordo cu a test positivo tabata demasiado halto pa e pais permiti e barco yega e isla, segun Curaçao Chronicle a reporta. E barco a bolbe Fort Lauderdale na Florida. Segun Royal Caribbean, e crucero por acomoda hasta 5,550 pasahero ademas di 1,600 miembro di tripulacion. No tabata cla si e barco tabata completamente ocupa.

*Oficialnan Colombiano a preveni e Seven Seas Mariner di permiti cualkier persona desembarca na Cartagena riba diaranson, despues cu siete caso positivo di Covid-19 – den seis miembro di tripulacion y un pasahero – a keda reporta. E barco a cuminsa un biahe di 18 dia for di Miami na San Francisco dia 18 di december.

Ademas e luna aki, 48 persona cu tabata abordo di e Royal Caribbean Symphony of the Seas a test positivo pa Covid-19, segun e linea crucero a bisa despues cu e barco a termina su trip na Miami dia 18 di december. E crucero aki, transportando mas di seis mil pasahero y miembronan di tripulacion, a stop na tres isla y no a reporta ningun cambio di itinerario.

E alteracionnan aki te awo a afecta un fraccion chikito di barconan crucero operacional.
E cruceronan afecta ta representa un fraccion chikito di e decenas di barco crucero na caminda den Lama Caribense, Golfo di Mexico, ocean Atlantico y Pacifico na cualkier momento e luna aki.
Testnan positivo pa Covid-19 abordo di cruceronan no ta unico na e luna aki – nan a sucede durante otro momentonan desde cu cruceronan a reanuda salida for di costanan Mericano e berano aki.

Por ehemplo, na augustus 27 persona a test positivo abordo di un crucero Carnival prome cu el a yega na Belize. Sinembargo, mientras esnan cu ta test positivo ta isola riba e barco, a permiti otro personanan pa desembarca si nan tabatin prueba di un resultado negativo pa test.

Awo, e transmision di variante Omicron ‘por duna forma na con algun autoridadnan na e destinacionnan ta mira hasta un cantidad chikito di caso, hasta ora nan ta siendo maneha cu nos protocolnan vigoroso’, segun vocero di Carnival, AnneMarie Mathews a bisa diabierna den un declaracion prepara.

“Algun destinacion tin recursonan medico limita, y ta enfoca riba maneha nan propio respuesta local na e variante”, Mathews a agrega. “Si ta necesario pa cancela un puerto, nos ta haci nos best pa haya un destinacion alternativo.”

Protocolnan di salud y seguridad
 Companianan di crucero a implementa cantidad di rekisitonan di salud y seguridad abordo – y a actualisa esakinan mientras condicionnan ta cambia – pa evita un ripiticion di spring 2020. Esey ta inclui rekeri vacuna di Covid-19 pa miembronan di tripulacion y pasaheronan (cu excepcion di mucha), cu vacuna ofreciendo proteccion fuerte contra malesa severo y morto.

E companianan ta recomenda booster shot pa nan pasaheronan. Holland America Line ta bisa cu su miembronan di tripulacion ta ricibi booster shot asina cu nan ta eligible.
Companianan di crucero generalmente ta rekeri nan pasaheronan pa test negativo pa Covid-19 prome cu comienso di e biahe, y ta rekeri test frecuente di nan tripulacion.

Usualmente ta rekeri isolacion di pasaheronan cu ta test positivo durante e biahe.

Cruceronan basa na Merca tambe ta rekeri pa bisti tapaboca den areanan publico paden. Recientemente a actualisa e politica aki pa aplica tambe na pasaheronan completamente vacuna.

Nota di redaccion: E articulo aki ta traduci for di Curaçao Chronicle.