Manera ta custumbra, DVG ta publica un resumen diario di e desaroyo di COVID-19 aki na Aruba. Den e resumen di dia di awe, a reporta un aumento den casonan nobo di COVID-19 cu 148 caso, di cual 58 no ta residente.
E cifra aki ta refleha un tasa di positividad bao di nos residentenan di 43%. E total di casonan activo coronavirus pa awe ta di 883, y e cantidad di personanan cu a fayece en relacion cu COVID-19 ta di 181.
Datonan ta ilustra cu e casonan nobo di COVID tin un averahe semanal di 120 caso pa dia, y un averahe den e tasa di positividad di 27% pa dia.
Aki na Aruba tin 4 persona interna debi na COVID di cual den unidad di cuido intensivo, tambe yama ICU, no tin ningun (0) persona y riba e piso general tin 4 persona. Na Colombia tambe tin algun pashent di COVID-19 di Aruba, di cual tin 6 den unidad di cuido intensivo, y ningun (0) riba piso general.
