(Newsweek) – Cu por lo menos shete periodista asesina e aña aki, segun loke Reportero Sin Frontera a informa (RSF) pa dia tres aña consecutivo, Mexico ta e pais mas peligroso na mundo pa periodistanan.
“Den ultimo cinco aña, por lo menos 47 periodista a ser asesina na Mexico den relacion cu nan trabou periodistico, di e cual 25 a tuma luga desde cu presidente Manuel Lopez Obrador a asumi e funcion na december di 2018.
“Na 2021, por lo menos shete a ser asesina, manera e conteo anual publica pa RSF a publica dia 16 di december: Benjamín Morales Hernández, Gustavo Sánchez Cabrera, Ricardo López Domínguez, Saúl Tijerina Rentería, Jacinto Romero Flores, Manuel González Reyes y Fredy López Arévalo”, RSF a informa.
Den nan mision internacional di libertad di prensa na e pais, delegacion di RSF a reuni cu famianan di e periodistanan asesina y desaparecido, autoridadnan Mexicano, representantenan di ONU y Union Europeo, asina como periodistanan, medionan di comunicacion y organisacionnan Mexicano.
“Estado Mexicano mester transforma declaracionnan di intencion di decision balente pa duna un contesta duradero cu lo sigura un ambiente di trabou digno y sigur pa trahadonan di informacion na tur e pais”.
“RSF ta espera, a traves di varios proyectonan cu lo duna di conoce na prome trimester di 2022, coopera di manera efectivo cu autoridadnan pa stop e spiraal di violencia y impunidad”, e hefe di oficina di RSF pa Latino America, Enmanuel Colombie a bisa.
Oficina di RSF Latino America, hunto cu representantenan di RSF di Colombia y Alemania, a bishita Mexico den un mision internacional di dos siman den e prome kinsena di december.
