(NLTimes) – Actvistanan di e grupo Vegan Strike Group a pone e restonan di porco baby y coneu den mas o menos 75 localidad na Hulanda, incluyendo na Media Park den Hilversum y dilanti e cas di Gobierno na Den Bosch.
E grupo tabata kier a trece enfoke riba e “victimanan di e industria di carni.” E activistanan aki a agrega borchi y poster bisando “mi a muri pa bo cuminda. Un Pasco sin crueldad di bestia ta cuminsa riba bo tayo.”
“Bo por kere loke bo kier tocante come carni, pero esaki ta un falta di respet na e bestianan,” un tata cu a haya e bestianan riba caya mientras el a saca su cacho cana a expresa.
Riba rednan social, hopi hende tambe tabata disgusta cu e manera cu e grupo aki a scoge di manifesta. “Si bo stima bestia, eora bo sa cu esaki ta un falta di respet sumamente grandi,” un usuario di Facebook a publica, den reaccion na e noticia.
Un vocero di polis a bisa NH Nieuws cu e porconan a nace morto. Tambe nan a declara cu nan ta usando imagen di camara pa por yega na e personanan responsabel pa e acto aki.
Den aña 2019, Vegan Strike Group a interumpi e show di cabay na Efteling pa medio di laga un cabay core door di e veld durante evento cubri cu un klechi na candela. 4 persona a ricibi cargo pa e acto.
