(AP) — E trato inicial di acusacionnan cu ex-actor di Empire, Jussie Smollett a falsifica un atake na Chicago a representa un ‘fracaso mayor di operacion’ di oficina di fiscal local, segun un abogado nombra pa revisa e caso.
E reporte di 68 pagina revela e siman aki a detaya varios instancia di declaracionnan falso di fiscal estatal Kim Foxx y otronan den su oficina na 2019, na momento cu nan a procesa Smollett inicialmente prome cu abruptamente a retira tur cargo algun siman despues.
Algun accion di su oficina por ta violacion di etica legal, segun fiscal special Dan Webb a conclui, maske e no a haya nada criminal.
Webb a revela un porcion di e reporte, incluyendo su conclusionnan mayor, na 2020. E reporte completo revela dialuna ta documenta entrevistanan cu Foxx, decenas di empleado den su oficina, oficialnan di polis na Chicago, y famia y amigonan di Smollett.
Foxx a retira su mes di e caso Smollett prome cu a retira tur cargo. El a bisa team di Webb cu e tabata sorprendi cu tur 16 cargo contra Smollett a keda retira, y cu el a kere cu lo a rekeri Smollett pa admiti culpabilidad. Foxx tambe a bisa cu e ta kere cu fiscalnan di su oficina ‘tabata kier saca e guy ‘ki for di e ciudad’ pa motibo di atencion cu tabata compaña e caso den medionan di comunicacion.
Foxx despues a bisa den un comunicado di prensa cu a retira e caso mescos cu miles di otro caso similar, loke Webb a conclui no tabata berdad.
Webb tambe a haya cu Foxx inapropiadamente a cambia su posicion publico riba e forsa di evidencia contra Smollett. Despues di yama e caso contra e actor ‘fuerte’, el a skirbi den un editorial den Chicago Tribune tiki despues cu a retira e cargonan cu sigura un condena tabata ‘incierto’. E pivot tabata ‘falso y engañoso’, Webb a conclui.
Webb tambe a continua e investigacion contra Smollett, y un hurado na 2020 a acus’e cu cargonan nobo di gaña polis. Un hurado a condena e actor di 39 aña di edad e luna aki pa cinco di seis cargo di conducta desordena.
Hues Michael Toobin, kende a nombra Webb como fiscal special, a bisa cu mester a publica e reporte completo awo cu a caba cu huicio di Smollett.
Riba potret: Kim Foxx.
