(LaPatilla) – Ausencia di politicanan publico ariba e colecta di desechonan solido na Venezuela ta evidente. E sushi y holo malo ta tuma over comunidad y camindanan principal. E crisis di e limpiesa urbano ta un di e factornan cu ta haci imposibel e colecta di sushi.
E realidad ta cu e situacion di servicio di colecta di desechonan solido ta un di e servicionan mas compleho cu mester wordo considera di prioridad pa e Estado, specialistanan ta sigura. Den un analisis di e situacion realisa pa Observatorio Venezolano di Servicionan Publico (OVSP), a determina cu 31.7% di e participantenan di e encuesta na 10 ciudad di e pais no ta ricibi e servicio constantemente.
Di otro banda, un investigacion realisa pa organisacion Aula Abierta Emergencia ariba energia electrico, awa y limpiesa y gestion di residuonan solido na Venezuela 2019 pa 2020, a indica cu e problema di e colecta di sushi no ta solamente di un entidad aisla, pero e ta wordo presenta di forma similar na diferente zona di e pais, distribui entre regionnan Occidente, Centro, Andes y Oriente.
Davna Rodriguez, ingeniero kimico cu master den desaroyo y ambiente a indica cu na Venezuela e problema di e residuonan solido urbano a aumenta, pasobra anteriormente e pais tabatin den e gestion integral di e desechonan un gran cantidad di empresanan priva.
“Actualmente, mayoria di alcaldianan ta haciendo esaki directamente y den hopi situacion, e no ta eficiente manera ora cu un empresa priva ta haciele. Desde e investigacionnan cu mi a haci, mi a determina cu ora cu e gestion di sushi ta wordo haci pa un empresa priva e ta funciona di un manera mas eficiente. Den conclusion, mester hiba e tipo di maneho aki na e empresa priva atrobe, entrega colecta, limpiesa y disposicion final pa e empresanan priva realisa e gestion adecua”, el a bisa,
