(NLTimes) – Cantante Ari Lennox a ser tuma den custodia na airport Schiphol riba dialuna despues cu e tabata envolvi den un discusion segun e cantante su publicacion riba cuentanan di red social. E cantante ta alega cu racismo tabata un di e motibonan tras di e incidente e mainta ey.
E Marechaussee a bisa e cantante a ser tuma den custodia pa motibo cu e tabata bebi y comportando indebidamente, un vocero pa e division militar a conta Parool. E corant a alega cu Lennox, ken tin 30 aña di edad a disculpa su mes pa cu e rol cu el a hunga den e discusion. E no a keda cla si el lo ser laga den libertad ni ki ora esaki lo tuma luga.
Riba su cuenta riba e red social Twitter Lennox a publica, “F** Amsterdam su siguridad. Nan ta odia hende di color scur,” un poco despues di 10:1 di mainta. Algun minuut despues, el a continua, “Mi djis kier bay mi cas. Mi nunca ta bay sali for di cas mas.” E publicacion aki a ser sigui pa un solo palabra, “Wow.”
Despues el a bisa, “Mi ta siendo aresta na Amsterdam pa motibo cu mi a reacciona un cierto manera ora cu un muhe a husga mi persona pa motibo di e color di mi cuero.”
Un vocero pa KLM a confirma cu Lennox, naci cu e nomber Courtney Shanade Salter, tabata envolvi den un “discusion cu a tuma luga pa motibo cu nan a revisa su identidad.” E aerolinea a bisa cu e muhe a nenga di mustra e documentonan necesario. “Ora cu e empleado a confronta su persona tocante esaki, Lennox a saca e conclusionnan incorecto.”
E division militar encarga cu e aeropuerto a bisa Lennox a ser aresta pa causa di su comportamento, y pa motibo cu e tabata intoxica. “El a nenga di calma,” e vocero a conta Parool.
“Su maneho desde e tempo aki a disculpa cu nos,” KLM a declara. E aerolinia a alega cu Lennox ta bay publica un declaracion tocante e incidente.
Lennox a lansa su prome album graba den studio “Shea Butter Baby” den aña 2019. El a duna show den December e aña ey na Paradisoo Noord un evento na Tolhuistuin.
