(AP) – Residentenan na Grecia di mas di 60 aña di edad lo mester soemete na vacunacion obligatorio contra di coronavirus of enfrenta boet mensual di 100 euro cuminsando otro aña, e prome minister Griego a anuncia riba diamars, declaracion e pais su prome mandato general di vacunacion.
E gobierno Griego a dicidi di implementa e medida den respuesta na un brote nobo den infeccionnan diario y e descubrimento di e variante omicron. E lo tuma efecto riba dia 19 di januari y e boetnan lo ta agrega na impuesto, Prome Minister Kyriakos Mitsotakis a bisa durante un declaracion televisa.
Grecia su cantidad di morto general causa pa COVID-19 a surpasa 18,000 e siman aki cu infeccionnan nobo confirma na nivelnan halto. Mas o menos un kwart di e pais su populacion adulto te ainda no ta vacuna.
Mandatonan di vacunacion a keda introduci durante e temporada di vakantie pa trahadonan di cuido di salud y empleadonan di brandweer na Grecia, cu suspension indefini sin pago como consecuencia pa e personanan cu no cumpli cu e mandato.
E gobierno a descarta ciere total pero si lo impone restriccionnan estricto riba e residentenan di edad avansa pa proteha e servicio di salud publico mirando cu ICU ta yegando su capacidad den henter e nacion.
“E variante nobo omicron ta un preocupacion pa nos y ta nifica cu nos meste rkeda vigilante,” Mitsotakis a declara.
“Desafortunadamente, di e 580,000 residente cu no ta vacuna y tin mas di 60 aña di edad, solamente 60,000 a haci afspraak pa ricibi nan vacuna den november,” el a conta. “Pero e ta mas tanto personanan cu mas di 60 aña di edad ta rekeri tratamento di hospital y tristemente ta perde nan bida. E fayecimento aki ta sumamente innecesario.”
E partido den oposicion Syriza a acusa e gobierno centro iskierdista di pone e responsabilidad di combati e virus riba Griegonan ordinario, y di “sanciona hendenan di mas di 60 aña di edad cu medidanan cu ta debilita financieramente cu no t den vigor ningun otro caminda den mundo.”
