(NLTimes) – E Koninklijke Marechaussee a aresta un pareha na Schiphol riba diadomingo despues cu nan a scapa for di e hotel di cuarentena.

E pareha a keda aresta riba un avion cu tabata den despeha cu rumbo pa Spana. E homber Spano y e muhe Portugues a ser entrega na e servicio di salud GGD.

Un voecro di e Marechaussee, e forsa policial cu ta traha como parti di e militar Hulandes, a bisa cu e pareha a sali for di un hotel den e region di Kennemerland unda cu pasaheronan di Sur Africa cu a test positivo pa COVID-19 ta den isolacion. Personal di siguridad priva ta na e hotel pa sigura cu personanan cu mester keda den isolacion haci esaki, segun vocero di Marianne Schuurmans, ken ta cabesante di e Kennermerland Security su region y alcalde di Haarlemmermeer.

Pafo, e polis y Marechaussee a sigura cu ningun persona drenta e hotel cu no mester ta presente. Tambe nan ta sigura cu hendenan por sali y drenta e hotel sin ningun molester. “E siguridad ta presente pa un motibo,” un vocero a contesta anteriormente riba diadomingo ora a puntra si ya caba nan a tuma accion pa mantene otro pasaheronan cu a test positivo den nan camber. Pasaheronan ta ricibi instruccion di comporta segun e reglanan di isolacion. Si nan no haci esaki, ta impone obligacion riba nan persona.

“E isolacion ta traha a base di boluntad, segun e vocero pa e GGD Kennermerland riba diadomingo. “Pero si esaki no ta obetnibel, nos por dicidi di cambia na isolacion forsa.” Segun e fuente aki, esaki ta posibel a base di e Police Data Act. “E cabesante di e region di siguridad despues mester tuma e decision aki.” Segun e vocero, e no ta importa si e pasaheronan ta infecta cu e variante nobo Omicron pa e curso di e isolacion.

Alcalde Schuurmans a implementa e vigilancia den consultacion cu Public Prosecution Service (OM) y e GGD.

E region di siguridad no por a bisa cuanto pasahero infecta di Sur Africa te ainda ta na e hotel, Riba diadomingo atardi, e Minister di Salud Publco Hugo de Jonge a bisa cu “un gran parti” di e pasaheronan infecta ta kedando na e hotel. E region aki a nota cu e siguridad tambe lo keda presente mientras cu e personanan aki ta den e hotel. Un persona por solamente bay cas y isola si nan tin “transport proteha.”

E GGD a test un total di 624 pasahero cu a yega Schiphol di Sur Africa riba diabierna pa e coronavirus. 61 di nan a test positivo. E variante Omicron a ser haya den 13 persona, pero e investigacion den tur esunnan cu a test positivo te ainda no a ser completa.