(AP) – Miles di musico Venezolano, mayoria di nan muchanan y adolescente, a gana e titulo di World’s Largest Orchestra (mundo su orkesta mas grandi).
E record anterior a keda kibra pa 8,573 musico den e orkesta. Guinness World Records den un video publica riba diasabra a anuncia cu e musiconan, tur conecta na e pais su red di orkestanan hoben, a gana e titulo cu un presentacion e siman anterior di Tchaikovsky su “slavonic March.”
E musiconan, variando den edad entre 12 pa 77 aña, a purba di kibra e record mundial durante un concierto patriotico na un academia militar den e capital di e pais Caracas. Pa por yega na e record, un total di mas di 8,097 persona mester a ta presente y tocando na mesun tempodurante un periodo di 5 minuut di Tchaikovsky su piesa.
E red di orkesta cono como “El Sistema”, a asambla mas o menos 12,000 musico pa e concierto. E repertorio tabata inclui “Venezuela” di PAblo Herrero y Jose Luis Armenteros, e pais Sur Americano su himno nacional, y Pedro Gutierrez su “Alma Llanera,” cual e Venezolanonan ta considera nan himno no oficial.
Mas di 250 supervisor tabata asigna na un grupo di musico pa observa durante e intento di kibra e record aki.
E record anterior tabata pertenece na un grupo Ruso, cu a toca Rusia su himno nacional.
