(ElNuevoDia) – Dos medida dirigi pa debilita e golpi economico cu empresarionan y agricultornan di e pais por ricibi cu e aumento di salario minimo lo ta prioridad pa e Camara di Representantenan den e comienso di e sesion legislativo nobo.
E proyectonan di Camara 1100 y 1101 ta dirigi pa asisti empresario-, y agricultronan chikito cu e diferencia di pago di e aumento di e salario minimo cu lo drenta na vigor na januari ora cu e subi di $7.25 pa $8.25 pa ora.
“Nos sa cu nos comerciantenan y agricultornan a pasa den diferente situacionnan cu a pone nan cu por ta un poco preta”, e representante Domingo Torres, presidente di e Comision di Asuntonan Laboral di e Camara, a expresa durante e anuncio.
E proyecto di e Camara 1100, skirbi pa e representante Jessie Cortes tambe ta coregi e Codigo di Incentivo di Puerto Rico pa incluso e micro-empresanan den e categoria di Empresanan Chikito y Mediano.
Pa haya e incentivo, e empresa mester genera un ingreso netto bao di $500 mil pa aña y no mag di tin mas di shete empleado. Igualmente pa tin acceso na e incentivo, e mester reclama esaki dilanti na e Compania di Comercio di Puerto Rico.
“E medidanan aki ta dirigi pa proteha e empresanan chikito y mediano cu a demostra gran preocupacion den relacion cu e posibilidadnan di enfrenta leynan cu ta provoca cu e costo di nan operacionnan lo bira mas caro”, Cortes a expresa.
Mientras cu e proyecto di e Camara 1101 ta dirigi na e agricultornan cu menos di 10 empleado ariba payroll y cu no ta participa of a reclama algun di e programanan di excepcion di contribucion existente. Igualmente, nan mester opera na municipionan cu un tarifa di empleo di mas 9.5%
