Rebecca y Christaan Jansen ta dos hoben triathleta hopi activo. Nan disciplina y dedicacion ta bisto den nan exito continou den tur loke nan pone nan mente riba dje. For di studiantenan ehemplar te na athletanan destaca no solamente na Aruba pero tambe internacional, Rebecaa y Christiaan ta ehempelnan di hobenan Extraordinario di Aruba.
Rebecca tin 16 aña di edad y ta bay Colegio Arubano. Rebecca ta Campeon di Caribe den e deporte di ciclismo. Tambe Rebecca ta campeon nacional di Triathlon, Aquathlon, Duathlon, 3km Run y tambe den ciclismo careda di circuito 2021. Rebecca a bira atleta for di aña 2016. Rebecca a yega di gana medaya di oro y silver na paisnan grandi manera Merca y Hulanda den e deporte di Triathlon.
Kiko bo kier bira or abo bira grandi?
Mi kier bira un Marine Bioloog ora mi bira grandi.
Kiko bo gusta mas di bo mes?
Mi gusta mi figura di atleta.
Kiko bo ta hasi ora bo ta sinti tristo?
Mi ta gusta come mangel ora mi ta sinti tristo.
Ken ta bo miho amiga of amigo y dicon?
Mi tin varios miho amiga, nos ta sali hunto y pasa pret.
Mensahe na e muchanan di Aruba:
Mi mensahe pa e muchanan di Aruba ta pa haci bo best na scol y pa haci deporte cu bo ta gusta.
Rebecca sigur lo kier motiva mas mucha muher pa haci deporte.
Christiaan tin 14 aña di edad y ta bai Mon Plaisir College HAVO.
Christiaan ta Campeon Nacional di Triathlon, Off-Road Triathlon, Duathlon, 1.5 km Run y tambe den ciclismo careda di circuito 2021. Christiaan a sali atelta di aña 2017. Christiaan a gana medaya di oro y silver na Hulanda y tambe Bronze na CARIFTA den e deporte di Triathlon.
Kiko mi kier bira ora mi bira grandi?
Mi kier bira un Capitan di barco.
Kiko bo gusta mas di bo mes?
Mi ta gusta mi talento pa mi sport.
Kiko bo ta hasi ora bo ta sinti tristo?
Mi ta prefera di drumi ora mi ta sinti tristo.
Ken ta bo miho amiga of amigo y dicon?
Mi tin hopi amigo di sport y scol y nos ta sali haci cosnan leuk hunto.
Mensahe na e muchanan di Aruba:
Mi mensahe pa e muchanan di Aruba ta traha duro pa bo soñonan bira un realidad.
