75,773 pasahero a biaha for di Aruba den Oktober 2021
Aruba Airport Authority N.V. (AAA) ta raporta riba e resultadonan di Aeropuerto Internacional Reina Beatrix (AUA Airport) pa October 2021; un otro luna mas cu resultado satisfactorio di recuperacion en comparacion cu e mesun luna na 2019.
Na Oktober 2021, AUA Airport a procesa 75,773 pasahero cu a biaha for di Aruba. Esaki ta 13% mas compara cu e luna anterior. Durante e luna tras di lomba AUA Airport a recupera 84% di e cantidad di pasaheronan cu a biaha for di Aruba durante e mesun luna na 2019. Den October 2021 57,563 pasahero (pax) a biaha pa Merca, 1,039 pax pa Canada, 6,807 pax pa Europa, 3,212 pax pa Antias Hulandes y 7,152 pax pa Latino America.
Un “outbound passenger load factor” (PLF) averahe (cantidad di asiento ocupa di e cantidad total di asiento disponibel riba e avion ora di sali for di AUA Airport) pa e mercado Mericano di 73% a keda raporta durante e luna di Oktober 2021, mientras e PLF averahe pa tur otro mercado tabata na 75% durante e mesun temporada (pa comparacion, na 2019 e PLF pa tur mercado tabata 85%).
Durante e ultimo luna, AUA Airport a atende un averahe di 28 buelo pa dia, menos compara cu e 32 vuelonan pa dia cu tabata wordo procesa den e mesun temporada na 2019. Den e mesun temporada den 2020 nos atende solamente 304 vuelo despues cu frontera nacional a habri back na Juli 2020 pa operacionnan comercial.
