(NLTimes) – Prome minister demisionario di Hulanda, Mark Rutte, a bisa cu e Gabinete ta bay enfrenta un serie di medida di coronavirus nobo mas estricto, cu lo drenta na vigor awe pa 6pm, di cual ta bay evalua e impacto riba dia 3 di december.

Na momento cu e reglanan ta programa pa caduca, negoshinan rekeri pa check bishitantenan pa pasenan di acceso di coronavirus ta bay ta permiti pa scoge di nan mes si kier exclui hende cu no ta vacuna contra Covid-19 of cu no a recupera di e malesa.

A haci e anuncio na un conferencia di prensa ayera nochi. E medidanan nobo ta spera di reduci infeccionnan di coronavirus cu 20 porciento. Mas di 13mil persona a test positivo cada un di e ultimo siete dia, incluyendo mas di 16mil persona riba tanto diahuebs como diabierna, segun RIVM.

Minister di Salud, Hugo de Jonge a defende reintroduccion di restriccionnan, bisando cue situacion lo tabata hopi pio un aña atras tempo cu niun hende tabata vacuna. “De lo contrario, cuido di salud ya lo tabata abruma”, el a declara.

Restriccionnan di lockdown pa tres siman, Sinterklaas por bay door
 E restriccionnan di amplio alcance ta inclui reglanan cu tiendanan esencial manera supermercado y botica, como tambe restaurant, cafe y barnan tur mester cera pa 8pm. Esnan bishitando un sitio di catering ta bay ta rekeri pa mustra nan pase di acceso di coronavirus pa por drenta, y mester keda na un asiento asigna.

Esnan cu ta atende educacion avansa mester bolbe na restriccionnan anterior di un maximo di 75 persona, excluyendo personal, per espacio. Esaki ta inclui universidadnan di investigacion, di ciencia aplica, y scolnan vocacional avansa. E limitacion ta aplica na espacionan independiente, manera lokaal, sala di les, laboratorio y tayer. No ta aplica na luganan unda ta haci examen parcial y final.

Tiendanan no-esencial y proveedornan di servicio, incluyendo salon di beyesa, mester cera nan porta pa 6pm. Organisadornan di evento, cu tabata spera di ta rekeri pa cancela evento, ainda ta bay ta permiti pa opera, tanten cu e eventonan caba pa 6pm. Un maximo di 1,250 persona ta bay ta permiti na cada sitio den asientonan asigna solamente, y toch ta bay rekeri pasenan di acceso.

Rutte a bisa cu e ta asumi cu ‘Sinterklaas ta bay bishita diferente luga na e pais na varios orario’ y cu e ‘ta kere cu esey por bay door’.

Competencia deportivo na nivel amateur y profesional ta bay ta permiti pa continua sin audiencia. Na mes momento, sala di concierto, cinema y teatro por continua ricibi cliente. E sitionan aki tampoco mester cera nan negoshi pa 6pm tur anochi.

Adicionalmente, Rutte a duna varios pida di conseho ‘hopi, hopi urgente’. Esakinan ta inclui acepta menos di cuatro bishitante den un cas cada dia, continua manteniendo 1.5 meter di distancia for di otro, y bay den cuarentena na momento cu un persona na cas ta test positivo pa infeccion di coronavirus. E conseho di cuarentena ta aplica pa esnan vacuna y no vacuna.

Test negativo di Covid no ta bay ta suficiente na cierto lugar

Eventualmente, empresarionan ta bay ta permiti pa scoge entre e sistema di pase di coronavirus actual cu otro restriccion, of un sistema mas estricto sin otro condicion, Rutte a bisa. El a argumenta cu doñonan di negoshi mester ta liber pa scoge si nan kier permiti hende den nan negoshi cu no ta completamente vacuna contra Covid-19 of no a recupera di infeccion di coronavirus.

Rutte a bisa cu e gabinete kier permiti e comerciantenan scoge entre e sistema di pase di acceso aki, conoci como 2G, of e sistema actual cu tambe ta permiti hende cu a test negativo pa coronavirus dentro di 24 ora. Esey ta conoci como e sistema 3G.

E escogencia ta mas tanto pa negoshi di hospitalidad, Rutte a bisa. Na momento cu un compania opta pa sistema 3G, nan ta permiti pa ricibi solamente cliente cu tin un asiento fiho. Esnan scogiendo sistema 2G no ta enfrenta restriccion adicional.

Na momento cu a cuestiona e escogencia di politica aki, el a bisa “Mi ta kere e decision aki ta completamente defensible.” Sinembargo, e sistema 2G ta bay ta dificil pa implementa ya cu gobierno ta bay tin mester di cambia un ley existente pa haya sosten di mayoria den Parlamento.