(NLTimes) – Minister di Salud di Hulanda, Hugo de Jonge no por descarta cu medidanan manera lockdown ta bay ta necesario den proximo simannan, el a bisa na BNR como respuesta na e cantidad halto di infeccion di coronavirus ultimo weekend.
E minister no por bisa ki medidanan e Gabinete ta bay tuma. “Loke nos kier enfatisa ta cu e medidanan no mester ta estricto si nos adheri mas di cerca na e consehonan cu ya ta na vigor. Nos ta haci esaki door di tene distancia, bisti tapaboca, haci test na momento cu tin sintoma, y no sali si tin sintoma”, De Jonge a bisa.
E prioridad principal di e Gabinete ta pa protege cuido di salud. “Nos ta mira cu e cifranan ta aumentando atrobe. Nos ta mira cu un biaha mas mester pospone cirugianan. Nos sa cu pa motibo di hende cu no a vacuna en particular, ainda nos tin un cantidad di pashent spera den hospital. Y si e cifra ey ta yega den un tempo hopi cortico, e ora cuido di salud ta cay bao presion atrobe, y esey ta mas cu claro nos preocupacion.”
Contestando riba extension di e uso di e pase di acceso di coronavirus, De Jonge a bisa cu e Gabinete ta trahando riba dos amienda legislativo pa permiti su uso den retail y na pia di trabao. “Pero esey ainda ta den proceso di preparacion, pues nos no a dicidi riba esey ainda. Nos ta bay hacie solamente si e medida ta proba necesario na e momento”, el a bisa e noticiero.
