(AP) – Ora cu Mark Zuckerberg a anuncia su plannan ambicioso pa crea e “metaerse,” cual t un realidad virtual construi cu e intencion di suplanta internet, y mescla bida real cu un bida virtual pa crea un espacio nobo pa tur hende por haci uso di dje, el a priminti cu “bo lo por haci practicamente tur loke bo por imagina.”
Esaki probablemente no ta un bon idea.
Zuckerberg, CEO di e compania anteriormente conoci como Facebook, a te hasta cambia e nomber di e compania pa Meta, pa ilustra e importancia di e esfuerso. Durante su presentacion den october, el a conta tocante e conciertonan virtual cu bo amistadnan, participa den deporte cu bo atletanan Olimpico favorito, y e miho di tur cos, disfruta di reunnionnan di negoshi cu realidad mescla, cu algun participante presente y otronan den imagen di e Metaverse como avatar.
Pero asina facil tambe e ta pa mira e defectonan den esaki. Supone cu e metaverse tambe ta crea un version mas grandi, y hopi mas personal di e odio y acoso cu ta tuma luga riba Facebook, cual nan no tabata haci un bon trabao di controla riba awendia su internet, esaki lo ta un posibilidad cu lo causa mas dano cu beneficio. Tambe tin e posibilidad cu e metaverse lo caba hunto u e mesun companianan grandi cu a purba di controla e internet actual, of e lo por desaroya y converti den un coleccion grandi virtual di varios comunidad unda cu cada bishitante ta constantemente monitoria, analisa y bombardia cu anuncio. Pero tambe, tin di considera cu e por ser usa tambe pa intentonan di caba cu libertad di usuarionan, permitiendo e estafadornan, traficantenan humano y gang cibernetico comete crimen sin mester di sufri consecuencia.
“Imaginabo un campaña online pa haci dano, pero uno unda cu e bombardeo di palabranan fuerte cu bo lo mira riba rednan social, a bira avatarnan rabia cu ta gritando bo persona, y bo unico escape ta di paga e mashin,” Amie Stepanovich, director ehecutivo di Silicon Flatirons na University of Colorado a bisa.
“Nos ta lidia cu esaki hopi diferente, e hecho di tin un persona gritando bo na luga di un persona ta manda mensahe,” el a continua. “Tin un potencial pa e daño aki bira uno mas grandi.”
Esaki ta un di e motibonan dicon Meta probablemente no lo ta e miho institucion pa guia nos den e metaverse, segun Philip Rosedale, describiendo Meta su producto di VR, Horizon como un producto “yen di participantenan masculino” y un tono di bullying. Den un tutorial di siguridad, Meta a conseha usuarionan di Horizon pa trata otro avatarnan di bon manera y ta ofrece tip pa blokeo of reportahe di cuentanan di usuarionan cu no cumpli cu esaki, pero Rosedale a bisa e ta bay tuma “hopi mas cu esaki” pa por evita cu un situacion surgi unda cu ta elogia e personanan cu grita mas duro.
