Saba a bin ta sperando cu anticipacion e regreso di barconan crucero luhoso y chikito despues di e pausa den e bishitanan durante e pandemia. Riba diamars, 2 di November, Crystal Endeavor a bolbe e isla, y ta spera cu e temporada aki mas línea crucero luhoso lo pone Asaba riba nan itinerario.
Crystal Endeavor tin 46 pasahero abordo. E huespednan por participa den diferente actividad, incluyendo tripnan riba e isla, tournan di kayak of explora e bida maritimo den e mesun submarino di e barco.
Representantenan di Saba Tourist Bureau tabata presente na wah pa ricibi e bishitantenan y yama nan bon-bini y duna informacion. Tambe tabata presente representantenan di e agencia local di e barco, Saba C Transport, Director di Turismo Malinda Hassell, kende a gradici tur e stakeholdernan pa haci bishita di e barco aki na Saba uno exitoso.
Dia 21 di november , otro barco crucero luhoso a yega Saba, World Navigator cu 53 pasahero. “Durante e proximo temporada, nos ta nos ta spera cu mas linea crucero lo bishita e isla. Aunke nos no ta completamente conoci como un destinacion crucero, tin biaha nan ta agrega nos na e schedule di lineanan crucero luhoso, pa cual Saba ta un atraccion debi na su productonan virgen,” Hassell a bisa.
“Mayoria di huesped ta disfruta y aprecia cu Saba ta un isla diferente di caribe, cu su pueblonan pintoresco, su comunidad hospitalario y bistanan bunita. Nos ta traha pa aumenta e experiencia di e pasaheronan, como tambe loke nos ta ofrece. Tur pasahero y tripulantenan ta sigui nos reglanan y e proceso riba e exigencianan di entrada tambe ta haci e bishita uno atractivo,” Hassell a bisa. E siguiente bishita ta programa pa 30 di november cu yegada di SeaDream II.
