(NTN24) – Argentina a habri su fronteranan back pa turismo stranhero despues cu pa 19 luna e entrada na e pais tabata prohibi pa via di pandemia coronavirus.
“Awe ta habri di manera normal e fronteranan aereo y maritimo. Nos ta bolbiendo na normalidad back. For di algun tempo nos tabata busca pa Argentina tabatin su condicion di reactiva un industria asina importante como esun di turismo. Un dia hopi espera y nos ta prepara cu hopi responsabilidad pa cu esaki lo a sucede”minister di Transporte, Alexis Guerrera a destaca.
Tambe el a sigura cu Argentina “ta prepara pa turismo pa e obranan cu a realisa y tecnologia aplica na aeropuertonan durante pandemia”. Den marco aki, a expresa cu 227 vuelo a ser autorisa entre 1 y 7 di november. “Nos tin cu tuma na cuenta cu dialuna ultimo tabatin 31 vuelo y lunanan pasa tabatin entre 10 y 12 vuelo Pa dia. Esaki ta un avance hopi importante y nos ta calcula cu lo ricibi diariamente entre 6.000 y 8.000 pasahero cu avion”, el a pronostica. 1 di october Argentina a habri su fronteranan back pa ciudadanonan di paisnan bisiña, medida cu awor ta amplia pa tur stranhero.
Di acuerdo cu e reglamentacion nobo publica diamars ultimo na Boletin Oficial, esunnan cu ta drenta lo exigi skema completo di vacunacion contra Covid-19 y cu a ser realisa por lo menos 14 dia prome cu su yegada na e pais ademas di presenta un prueba PCR negativo. No lo pidi prueba antigeno mas.
Turistanan mester tin un seguro anti-covid.
Den e caso di no conta cu e dos dosis, stranheronan no lo por drenta, den tanto cu Argentinonan y residentenan lo mester haci cuarentena. Apertura di fronteranan ta marca un mehoracion di e situacion epidemiologico pa avance di campaña di vacunacion y despues di 20 siman a registra un bahada di casonan. Un total di 34.5 miyon persona (76.4% di poblacion Argentino) ya caba a ricibi e prome dosis di e vacuna. Di nan, 26 miyon (57.7%) a completa e skema.
