(NLTimes) – Confiansa den gobierno Hulandes a cay drasticamente den ultimo diesocho luna, for di 70 porciento na april 2020, na 30 porciento awo, segun Universidad Erasmus na Rotterdam a reporta basa riba investigacion.
A caracterisa e composicion di Hulanda como un ‘sociedad di confiansa abao’ na september 2021.
Segun e investigadornan, desconfiansa den gobierno ta un motibo importante pa hende cu ainda no ta vacuna no bay tuma vacuna contra Covid-19. Nan tambe ta nota cu confiansa entre personanan a disminui. “Hopi hende principalmente ta confia famia y amigonan y un persona cu ken nan ta mantene un relacion personal, manera e dokter di famia”, e investigadornan a bisa.
Confiansa den gobierno local tambe a reduci, pero menos cu esun den politica nacional, segun Erasmus. Mesun cos ta aplica na autoridadnan di salud, manera RIVM y GGD.
“Ademas, tin corelacion entre e uso di rednan social como fuente principal di informacion y un nivel abao di confiansa den gobierno, y un disponibilidad abao pa vacuna.”
Erasmus a ehecuta e investigacion en colaboracion cu un cantidad di universidad y e municipalidadnan di Rotterdam, Amsterdam y Den Haag. Un total di 22mil persona rond di e pais a participa den e estudio representativo.
