Segun resumen diario di Departamento di Salubridad Publico DVG riba e desaroyonan di pandemia di Covid-19 na Aruba, ayera tabatin 177 caso activo di e malesa causa pa e virus SARS-CoV-2.
Segun resumen di DVG ayera, 10 persona a recupera mientras cu a registra un total di 9 caso nobo di Covid-19, di cual dos no ta residente. E cifranan aki ta representa un tasa di positividad entre nos residentenan di 13 porciento.
E cantidad di fayecido no a conoce aumento y ta keda na 171.
Datonan di DVG ta ilustra casonan nobo di Covid cu averahe semanal di 17 caso pa dia, y un averahe di tasa di positividad semanal di 11 porciento pa dia.
Actualmente na Aruba tin 11 persona interna den hospital debi na Covid, di cual 4 ta den Unidad di Cuido Intensivo ICU y 7 ta riba piso general. Ademas na Colombia tin actualmente 11 pashent di Aruba interna den ICU, y dos riba piso general.
