(Infobae) – E fayo di un hues a ordena na IPS di Martha Sepulveda, Instituto Colombiano di Dolor, pa aplica eutanasia manera a keda acorda lunanan atras, asina a confirma e pashent diahuebs ultimo.
E yamada di e instituto a inform’e cu por fiha un fecha. Sinembargo, el a contesta cu aunke te ainda e ta mantene “boluntad y deseo di haya e morto asisti a traves di eutanasia”, te awor e no ta bay fiha un fecha y un dia pa esey.
Den e carta, a agrega cu unabes cu e lo dicidi un fecha nobo, lo informa oficialmente na e hues, na ken tambe el a gradici pa “administra husticia di forma diligente y pa protege mi derechonan fundamental cu a ser viola”.
Hues a establece cu no por exigi na un persona cu e mester tin un malesa terminal pa haya acceso na eutanasia, y a exigi a Incodol pa cumpli cu e reciente Sentencia C-233 di 2021 di Corte Constitucional, cu ta amplia e procedemento pa pashentnan cu malesa no terminal.
“El a aclaria cu cada persona ta balora e tipo di sufrimento cu ta considera soportabel of no compatibel cu su idea di bida digno. No ta e dokternan ta esnan cu por dicidi si un hende ta sufri of no suficiente pa muri cu dignidad”, DescLab, defensa di Sepulveda a expone.
Den su momento, IPS a basa su decision di cancela e procedemento di numeral 26.6 di articulo 26 di Resolucion 971 di 2021 di Ministerio di Salud, cu ta determina na Comite den su funcionnan pa revisa e tratamento di e solicitud y su procedemento eutanasico completo, pa detecta algun situacion cu ta afecta e desaroyo di dje.
E proceso tabatin fecha pa diadomingo 10 di october 7or di mainta y dianan prome Sepulveda a laga cla tur cos pa bay sosega. Pero su mesun IPS a detene e proceso y e situacion a bira complica.
