(NLTimes) – Corte di Oost-Brabant a duna orden pa autoridad di Impuesto Hulandes inmediatamente paga un avance extra di mas cu 7mil euro na un victima di e scandal di beneficio social pa mucha. E placa ta pa preveni cu ta saca e victima for di su cas, segun su abogado a confirma pa NOS despues di reportahenan den RTL Nieuws y Trouw.
“Ta un situacion teribel cu a resulta pa motibo di acusacion y omision di oficina di Impuesto”, abogado Pejman Salim a bisa e noticiero. “Afortunadamente, e hues temporalmente a resolve problemanan di mi cliente.”
Segun Salim, su cliente ta un entrepreneur cu ta traha duro y tin yiu. Dos aña pasa, autoridad di impuesto a acus’e di fraude y a dun’e orden pa paga back e bijstand cu el a ricibi pa su yiunan pa 2016, 2017 y 2018. “For di e momento ey, tur cos a bay malo, como resultado di locual e no tabatin suficiente entrada pa paga huur.”
E Estado a comete un acto robes y tambe mester ta prepara pa paga avance na su victimanan, e abogado a bisa. “Pa asina hende no cay den problema a corto plazo mientras ta tratando nan keho.”
Salim ta spera cu otro mayornan den e scandal di bijstand pa mucha ta enfrentando problemanan similar. “Nos ta tratando cu miles di mayornan. Un ta siendo deporta, otronan ta muda of tin problema medico. Ta parce mi den linea cu expectativanan cu varios persona mester bati na porta di autoridadnan di Impuesto pa por resolve problemanan urgente.”
