(AP) – Minnesota su delegacion di Congreso a bisa riba dialuna cu nan ta introduciendo un resolucion pa entrega e Congressional Gold Medal na e celebridad iconico Prince, citando su “marca grandioso riba Minnesota y e cultura Mericano,” The Associated PRess a descubri.

E Medaya ta un di e nacion su honornan mas halto civil y personanan cu a yega di ricibi e medaya aki den pasado ta entre otro, George Washington, e Wright Brothers, Rosa Parks, Mama Teresa, e Navajo Code Talkers, e Tuskegee Airmen y Dalai Lama.

“E mundo en general tabata hopi mas extraordinario pa motibo cu Prince tabata aki. El a laga u marca den nos curason, habri nos mente, y a pone nos tur baila. Cu e legislacion aki, nos ta duna honor na su memoria y contribucion como compositor, innovador di musica y presentador. E color biña ta reina te dia di awe na Minnesota y tur dia danki na su persona,” Senador Democratico Amy Klobuchar, ken ta representa e estado a bisa den un declaracion.

PRince, ken su hitnan ta inclui “Little Red Corvette,” “Let’s Go Crazy” y “When Doves Cry,” a fayece dia 21 di april di aña 2016, di un sobredosis accidental di fentanyl na e edad di 57 aña, den su estado Paisley Park den Chanhassen, Minnesota.

E resolucion pa Prince ta lidera pa Klobuchar y e Rep. Di Merca Ilhan Omar, un democrata ken ta representa Minneapolis den e Cas. E delegacion di Minnesota henter ta sirbi como co-patrosinador incluyendo Sen. Tina Smith y Rep. Jim Hagedorn Angie Craig, Dean Philips, Betty McCollum, Tom Emmer, Michelle Fischbach, Pete Stauber y Omar.

“Prince ta un icono di Minnesota,” Omar a bisa den un declaracion. “El a demostra cu e a perfectamente bon pa ta un mucha homber color scur chikito di Minneapolis, y cambia henter e mundo. E no solamente a cambia e mundo y arca di historia, pero tame el a pone Minneapoli riba di e mapa.”

E legislacion ta nota cu PRince ta “considera pa hopi hende como un di e musiconan mas extraordinario di su generacion,” cu 7 premio Grammy, 6 American Music Awards, un Oscar pa e cantica di “Purple Rain” y un Golden Globe.

E ta agrega cu e ta miembro di e

Rock & Roll Hall of Fame, a bende mas di 150 miyon record mundialmente y cu “Purple Rain” a ser agrega pa e Library of Congress como articulo cu mester preserva den e National Film Registry. E legislacion tambe ta pone den e record di Congreso e simbolo cu Prins tabata usa na luga di su nomber, cual Prins tabata yama “E simbolo di amor.”

Bao di e reglanan, Congressional Gold Medals ta rekeri e apoyo di por lo menos 2 tercer parti miembronan ambos di e Senado y Cas di Representantenan prome cu nan por converti den ley pa e president. E legislacion di PRince lo ser introduci den e Cas y e Senado.

Naci cu e nomber Prince Rogers Nelson, e cantante, compositor, autor, areglista y instrumentalista a drenta e industria den aña 1970 cu e hitnan “Why You Wanna Treat Me So Bad?” y “I Wanna Be Yur Lover,’ y a subi den popularidad y fama e decada siguiente cu album nanera “1999” y e gran album “Purple Rain.” Entre su otro obranan notabel y tambe popular, cu a trece hopi reconocimento na su persona ta “Sign O’ the Time,” “Graffiti Bridge” y “The Black Album.”

Si e medaya di oro keda aproba y traha, e legislacion ta pidi pa e keda entrega na e Smithsonian Institution, cual lo haci esaki disponibel pa mira na e National Museum of African American History and Culture of como prestamo na diferente luga.