(ElNacional) – E Academia de Ciencias Fisicas, Matematicas y Naturales (Acfiman), pa medio di su presidente, Ismardo Bonalde, a afirma cu no por sigui retrasa e regreso di e lesnan presencial.
Den un entrevista cu Radio Fe y Alegria, Bonalde a señala cu Acfiman ta conciente di e dificultadnan cu e sector di educacion ta pasando aden na e pais. Sinembargo, el a enfatisa cu tin un necesidad urgente pa stop di postpone e regreso di e lesnan presencial. Den su opinion, mester cumpli cu cuater condicion esencial pa e regreso di e lesnan presencial ta sigur pa e mucha- y hobennan, como tambe pa e docente- y miembronan di e personal.
E prome di nan ta e vacunacion completo pa full e personal di docente, obrero y studiantenan cu ta riba 18 aña di edad. Nos sa cu e schedule di vacunacion na e pais ta deficiente. Esey por wordo mira den e rapportnan di OMS y e Organisacion Panamericano di Salud”, el a señala. E siguiente condicion cu el a destaca ta e uso obligatorio y apropia di tapa boca. Siguientemente el a destaca cu e actividadnan mester wordo haci den espacionan habri, cu aire liber y garantisando distanciamento social.
Por ultimo, el a destaca manera e di cuater condicion cu e lesnan wordo complementa cu un sistema di monitoreo pa detecta si un hende ta test positivo pa COVID-19. E presidente di e institucion a splica cu ultimo recomendacion mester wordo ehecuta pa e grupo educativo a traves di encuestanan of otro opcionnan di nan preferencia.
Aunke el a mustra di acuerdo cu e lesnan presencial lo cuminsa dialuna 25 di october, el a destaca tambe e problemanan grave di infrastructura que e klasnan ta presenta. Pesey el a pidi pa garantisa e suministro di awa, coriente y e programanan di alimentacion.
