Crio di cabrito profesional na Boneiro cada biaha ta bira mas miho.
Den e cuadro aki e weekend di 9 y 10 di october tabata dedica na aumento di
conocemento riba tereno di crio di cabrito. Debi na un asistencia grandi di
cunukeronan, dentro di poco e servicio di Agricultura, Crio di Bestia y Pesca (LVV) lo organisa mas tayer.
Bou di guia di e oradornan Ing. Edward Berben (anterior hefe di LVV) y Ing. Sherwin
Pourier (lider di proyecto di Crio di Bestia Profesional) a trata varios tema.
Topiconan importante cu a bini dilanti tabata mehoracion di rasa, nutricion, unda pa
pone e bestianan y marca di calidad. Tabatin un parti practico tambe caminda a
mustra y papia tocante caracteristicanan pa seleccion di bon cabrito muhe pa
produci lamchi. Selectando e miho cabritonan muhe, pa medio di gastamento cu
chubatonan di rasa lo produci bunita lamchi. E lamchinan aki tin carni moli y por
bende nan pa un miho prijs.
Pa medio di refresca y aumenta conocemento di nos cunukeronan, servicio di
Agricultura, Crio di Bestia y Pesca (LVV) ta spera di reactiva crio di cabrito.
