Asina e instancia aki a anuncia pa comunidad riba su red social caminda cu nan a informa cu trabounan den area di districto Noord como Turibana y crusada di Palm Beach ta sigui keto bay.
Diadomingo ultimo nan a cuminsa cu e fase 5 na Noord/Turibana y segun nan a sigura tur cos ta bayendo conforme nan schedule pa asina diabierna awor nan lo pone asfalt e onderlaag y fin di siman nan lo cera e caminda completo pa basha e ‘toplaag’.
Pa loke ta trata crusada di Palm Beach cu den ultimo aña a haya diferente criticanan pa motibo cu e luz di trafico no tabata funciona y DOW a pone cierto borchinan loke tampoco a impedi varios accidente di auto pisa, nan ta colocando polisnan drumi tanten e rotonde lo wordo construi na aña 2022.
