(CiberCuba) – E autoridadnan Cubano a anuncia cu, cuminsando 7 di november, Cuba lo elimina e cuarentena obligatorio di biaheronan internacional ora nan yega e pais y el a confirma cu pa dia 15 lo elimina e test PCR na entrada di e frontera.
“Cuba ta elimina e cuarentena obligatorio di biaheronan internacional na momento di nan yegada na e pais cuminsando dia 7 di november”, e programa di television Hola Habana a indica den un publicacion ariba nan rednan social.
E 10 airportnan internacional di e pais ya caba ta cla pa e reapertura di e fronteranan Cubano dia 15 di november, segun e minister di Turismo, Juan Carlos Garcia Granda, a informa diamars.
“E lo ta un reapertur controla y gradual”, e minister a indica, ken a splica cu for di 15 di november, segun datonan oficial, e 90% di e población Cubano lo ta completamente vacuna.
Asina mes el a resalta e rapportnan di di e Ministerio di Salud Publico (MINSAP) den e ultimo 15 dianan, cu ta indica un disminucion di e number di casonan, cu mesun comportamentonan na tur e provincianan.
“Tur e biaheronan Cubano of internacional cu drenta e pais mester presenta un paspoort di salud of certificado internacional anti-covid di e vacunanan certifica pa e agencianan regulador corespondiente”, el a bisa.
“Esunnan cu no tin e documentonan aki, ta den obligacion pa presenta na entrada di e pais un test negative di COVID-19 cu no menos di 72 ora prome cu nan biaha, realis ana un laboratorio certifica na nan pais di origen”, el a agrega.
