(AP) – E frontera final generalmente no ta sinti asina cerca, por lo menos virtualmente.

Investigadornan na un di Switzerland su miho universidadnan ta lansando un programa riba diamars cu ta permiti bishitanan virtual na e cosmos incluyendo un na e International Space Station, Luna, Saturno of e exoplanetanan, galaxia y hopi mas.

E programa aki yama Virtual Reality Universe Project, of VIRUP, ta crea loke hopi di e investigadornan ta yama e set di dato mas grandi di e universo cu ta crea un visualisacion panomarico y di 3 dimension di e espacio.

Ingenieronan di programa, fisico astrologico y expertonan di museo experimental na e Ecole Polytechnique Federale de Lausanne of EPFL, a bini hunto pa crea e mapa virtual cu por ser mira via di dispositivo VR individual, sistema di immersion manera cinema panoramico cu brilnan 3D, screen di planetario of riba un computer pa un bista di 2 dimension.

“E novedad di e proyecto aki tabata di pone tur e datonan disponibel den un solo luga, pa bo mira e universo na diferente angulo, rond di nos, rond di e planeta tera, rond di sistema olar, na nivel di e Milky Way, pa wak door di henter e universo y tempo te na comienso, loke nos ta yama e Big Bang,” Jean Paul a bisa, director di Ecole Polytechnique Federale de Lausanne, su laboratorio di fisica di astrologia.

E ta manera un sorto di Google Earth, pero pa e universo. Algoritmo di computer por crea terabyte di dato y produci imagen cu por aparece te hasta un meter cerca, of casi infinitamente leu, como si bo ta sinta relaha, y bo por observa full e universo.

VIRUP ta accesibel na tur hene di manera gratis, aunke e ta rekeri por lo menos un computer y ta mira miho cu ekiponan VR of cu capacidad 3D. E meta ta di atrae un cantidad grandi di bishitante, ambos cientifico buscando di visualisa e datonan cu nan ta keda colecta y un publico amplio buscando di explora e shelo virtualmente.

Como cu te ainda e ta un trabao den desaroyo, pa aworaki, e version beta no ta compatibel cu compuernan Mac. Descarga di e programa y contenido por ta hopi ma un persona cu no ta hopi experiencia cu computer, y espacio riba e computer lo conta. E version mas accesibel na un grupo mas amplio di hende ta un version di e contenido na un tamano reduci cu ta den cantidad di gigabyte, cual ta manera un recompilacion di e miho partinan. Personanan cu ta fanatico di astronomia y tin mas espacio den nan computer por opta pa descarga mas.

E proyecto ta pega na otro informacion di 8 base di dato cu ta conta por lo menos 4,500 exoplaneta conoci, miyones di galaxia, y miyones di obheto den espacio en general, y mas di 1.5 biyon fuente di lus di e Milky Way so. Pero ora cu ta trata di e potencial di e dato, e shelo literalmente ta bira e limite, e basenan di dato den futuro lo por inclui asteroide den nos sistema solar of obheto manera nebula cu ta hopi mas leu den e galaxia.