(LaPatilla) – E falta di politicanan publico alrededro di e proteccion di e derechonan di infancia na Venezuela ta procedente di e violacion di e derechonan di menornan, hopi di cual ta haya nan mes obliga pa sali ariba caya pa traha y haya e alimento diario, organisacionnan y expertonan ta sigura.
E encuesta mas reciente ariba e condicionnan di biba (Encovi), un estudio elabroa pa e Universidad Catolico Andres Bello (UCAB), cu ta recoge cifranan ariba e situacion di e pais Caribense, a determina cu e 94.5% di e Venezolanonan ta biba bao di e nivel di pobresa y cu e cobertura educativo a baha na 65%, 5 punto menos cu den e medida di 2019-2020.
Y aunke no tin cifranan oficial den e materia di infancia na Venezuela, e situacion di e muchanan den hogarnan considera pober ta evidente ariba e cayanan di Caracas, unda cu por mira gruponan di hasta 20 mucha cu ta aglomera na e lusnan di trafico, haciendo truconan malabarista of hacienda bentanana di auto limpi pa gana entre tres y seis dollar pa dia.
Un rapport recien di e Centronan Comunitario di Aprendisahe (Cecodap) a revela cu Venezuela a registra un total di 3.738 morto violento di menornan di edad entre 2017 y 2019. Carlos Trapani, coordinador di e ONG Cecodap, a splica cu ta trata di condicionnan cu e infancia Venezolano ta biaba y den cual “no tin tendencia pa mehora”.
E ONG internacional ‘World Vision’ a alerta cu na november di 2020 durante e pandemia e trabou infantile a aumenta cu un 20% compara cu añanan anterior y cu den e cifra ey, e 28% ta dedica na pidi placa, y por lo menos e 19% ta bende productonan ariba caya.
