Den apenas dos siman di trabao Minister di Enseñansa y Deporte, ndy Croes a logra yega na un solucion pa e situacion di contract di zweminstructeurs, segun un comunicado di gobierno.
Manera cu ta conoci na luna di juni, na final di aña escolar, e contractnan di e zweminstructeurs di scol a wordo cambia pa un Overeenkomst van Opdracht (OVO). Esaki segun Croes tabatin como consecuencia cu e instructornan ta perde tur nan derechonan manera por ehempel ‘toelage’ conforme nan contractnan prome. P’esey a traha inmediatamente pa yega na un solucion pa e situacion
‘Nos ta sinti cu e proyecto aki den cual pa 28 aña e instructornan aki a traha pa Gobierno dunando muchanan den 3de klas di scol basico les di landamento mester continua’.
Segun Croes, teniendo e aspecto humanitario tambe na cuenta, a pidi Departamento di Recurso Humano (DRH) dia 28 di september pa un conseho huridico pero tambe un solucion pa situacion cu ta uno preocupante.
Conforme conseho di DRH a splica cu ta consehabel pa laga e zwemsintructeurs resorta bao di DPS unda cu nan tabata, en bes di manda nan Ibisa y a percura pa tin begroting pa nan. Segun Croes a papia cu DRH pa por acelera esaki den october pa nan por cuminsa cobra di acuerdo cu contract normal cu nan tabata conoce.
Banda di cu Conseho di Minister a duna e sosten pa e decision aki, tabatin algo mas cu tabata haci cu ainda nan no lo por a cuminsa duna e lesnan. Mester a percura pa tin fondo pa e busnan cu ta busca e muchanan scol. Pues pa esaki tambe Minister Croes a percura pa keda soluciona den begroting actual y a aloca algo mas cu 300 mil florin pa transporte.
Terminando Minister Croes a bisa a avisa tur esnan concerni y di e forma aki lesnan por cuminsa manera cu vakantie pasa.
