Den un ‘circulaire’ di fecha 28 di september ultimo, dirigi na tur departamento di gobierno, tambe na e entidadnan manera Staten, Raad van Advies, Algemene Rekenkamer y Dienst Openbare Werken, gobierno a traves di ministro encarga cu finanzas, Xiomara Maduro a anuncia cu ta haya su mes obliga di cera administracion financiero mas trempan pa e aña coriente.
Esaki en vista di e situacion financiero precario di gobierno, e crisis continua di Covid-19, y e intencion di Hulanda pa no duna apoyo di liquidez pa e ultimo kwartaal di e aña aki.
Ta trata di clausura pa tur gasto di bienes y servicio per 15 di october 2021, y pa tur inversion pa dia 5 di november 2021.
