(NLTimes) – Rey Willem-Alexander a reuni cu algun di e victimanan di e scandal di beneficio social pa mucha ayera tardi, segun servicio di informacion di gobierno, RVD a confirma pa NOS. Segun e victimanan, e rey ta al menos parcialmente responsabel pa nan sufrimento.

Na september, cinco victima a skirbi un carta na e Rey pidiendo pa su ayudo y un disculpa. Nan ta bisa cu nan a haya carta, orden hudicial y decreto cu nomber di Rey riba nan pega na nan porta. “Den nos opinion, bo tambe ta responsabel pa e sufrimento cu a keda causa na nos y nos yiunan”, nan a bisa den e carta.

E victimanan tambe a enfatisa cu nan problema ta leu di keda resolvi. E Gabinete ainda ta trahando riba compensacion financiero pa e mayornan aki, kende a keda declara incorectamente como fraudulento, y forsa pa paga back cantidadnan grandi di bijstand pa mucha. Hopi di nan ainda ta enfrentando dificultadnan financiero.

Segun NOS, esaki ta prome biaha cu e monarca Hulandes ta reuni cu victimanan di un fracaso di gobierno. RVD no a bisa nada tocante e reunion.

Den su discurso di Prinsjesdag luna pasa, rey Willem-Alexander a adresa e scandal aki. “Den asunto di bijstand pa mucha, gobierno a haci daño na hende literal y figurativamente. Den ambos caso, eror mester wordo corigi, y esnan cu tin derecho na compensacion mester ricibi esaki lo mas pronto posibel”, el a bisa.

Decenas di miles di mayor tin derecho na compensacion di gobierno, hopi di nan ainda tin problema cu debe como resultado di a perde e bijstand pa nan yiunan, y ordennan inhusto pa paga back na gobierno e bijstand cu a usa den pasado. E asunto a larga pa varios aña, pero por ‘dura un tempo hopi largo’ pa e victimanan ricibi compensacion, segun secretario di estado pa Finanzas, Alexandra van Huffelen a bisa den un entrevista cu Nieuwsuur siman pasa.

Casi 50mil persona ya a entrega un keho cerca oficina di impuesto Hulandes. Un revision di parlamento riba e scandal a determina cu hopi di e mayornan a sufri un ‘inhusticia sin precedente’. Desde 2012, autoridad di impuesto a determina cu mayornan a actua fraudulentamente sin nan haci erornan simpel of completa documentonan incorectamente den formularionan complementario. Tambe a pone nan bao scrutinio adicional simplemente pa tin dobel nacionalidad, of si nan paga contribucionnan personal di menos. Hopi biaha a elimina nan beneficionan sin bisa nan pakico, y a enfrenta problemanan serio financiero y social na momento cu a duna nan orden pa paga back e bijstand, cu hopi biaha tabata mas di dies mil euro.