No tin duda cu tin un koffie pa cada momento. Pa e mes motibo aki mas di 2.25 biyon di kopie di koffie ta wordo consumi tur dia globalmente.
E tema pa 2021 ta destaca e maltrato di e cultivadornan di koffie y e peligro cu nan ta enfrentando pa nan bida y e ultimo necesidad pa tuma accion nan colectivo. E suma cu e cultivadornan di koffie ta wordo compensa pa e bonchinan cu nan ta crea ta ainda hopi abou.
Tur aña riba 1 di october, e mundo ta uni hunto pa celebra koffie y reconoce tambe e miyones di hendenan full rond di mundo, di cunukero te cu baristas y doñonan di negoshi di koffie. Hopi hende rond di mundo ta reconociendo e esfuerzo di esnan asocia cu e industria di koffie cu ta un di e bebidanan mas faborito riba mundo. Segun internationalcoffeeday.org e dia aki varios programa ta wordo lanza pa sostene e proximo generacion di hoben nan den e industria, treciendo ideanan innovativo na bida cu ta beneficia henter e comunidad di koffie y ta sostene e recuperacion di e pandemia Covid-19, construyendo un futuro mas prospero pa e sector.
Historia y significado
Dia internacional di koffie ta un ocasion cu ta wordo uza pa promove y celebra koffie como un bebida riba su mes. E prome dia oficial tawata riba 1 di october 2015 y a wordo lanza na Milan, Italia. E dia aki ta wordo uza tambe pa promove e comercio husto di koffie y pa crea consciencia pa cultivadornan di koffie. Riba e dia aki hopi negoshi di koffie ta ofrece e bebida na un prijs special of hasta pornada como aprecio na su clientenan consumidor y pa celebra koffie como bebida.
Tipo di koffie
Principalmente tin 4 tipo di bonchi di koffie.
1-Arabica
2- Robusta
3- Liberica
4- Excelsa
Arabica – E bonchi di koffie mas comun disponibel riba mercado. E tin un sabor mas dushi y riba su mes e ta menos zuur. Brazil ta e exportador mas grandi di e bonchi Arabica.
Robusta – Di dos riba lista ta e bonchi Robusta. Esaki ta conoci pa ta un bonchi cu un sabor fuerte y un nivel extremadamente halto di cafeina. E bonchi di koffie Robusta ta popular mas tanto den Europa, Medio Oriente y Africa.
Liberica – E bonchi Liberica ta mas dificil pa haya riba mercado regular. E bonchi nan aki ta conoci pa tin un sabor di ‘palo’. E bonchi Liberica a bira famoso ora un malesa di mata cu ta yama ‘coffee rust’ a sali y a elimina e matanan Arabica rond di mundo.
Excelsa – Excelsa ta e ultimo edicion di e tiponan di bonchi di koffie mas popular. Esaki mas tanto ta wordo cultiva den e parti zuidoost di Asia y tin un sabor mas dushi y similar cu e sabor di fruta.
Mito relaciona cu koffie:
Koffie ta deshidrata: Esaki ta e mito di mas popular. Consumo di hopi cafeina ta causa deshidratacion, cual ta haci cu hende ta kere cu koffie ta causa deshidratacion.
Koffie ta yuda cura malestar di alcohol: Un otro mito ta cu koffie ta yuda cu malestar di alcohol, sinembargo koffie ta empeora e dolor di cabes y no ta efectivo den reduci e efecto di alcohol.
Koffie ta yuda baha peso: No tin duda cu koffie ta stimula e metabolismo, yudando bo pa come menos pero esaki no ta un metodo efectivo cu un duracion largo.
Muhernan na estado mester evita bebe koffie: Hopi di nos a tende cu ora abo ta sperando un baby bo no mag bebe koffie. Un muher na estado por bebe koffie pero proporcion nan limita. Pa esaki ta miho pa consulta bo dokter pa discuti e consumo di koffie durante embaraso.
Hendenan cu problema di curason no mag bebe koffie: Hopi koffie ta incrementa presion di sanger cual na su turno ta incrementa batimento di curason y asina haci e problema di curason mas grandi. Un kopie di koffie pa dia no lo ta un problema.
Otro hechonan desconoci tocante koffie:
Koffie ta deshidrata: Esaki ta e mito di mas popular. Consumo di hopi cafeina ta causa deshidratacion, cual ta haci cu hende ta kere cu koffie ta causa deshidratacion.
Koffie ta yuda cura malestar di alcohol: Un otro mito ta cu koffie ta yuda cu malestar di alcohol, sinembargo koffie ta empeora e dolor di cabes y no ta efectivo den reduci e efecto di alcohol.
Koffie ta yuda baha peso: No tin duda cu koffie ta stimula e metabolismo, yudando bo pa come menos pero esaki no ta un metodo pa cu ta duro largo.
Koffie ta baha e risico di ataca: Varios estudio ta confirma cu consumo di koffie na un manera modera ta reduci e chance di ataca di curason of otro problema di curason.
Koffie ta reduci e risico di e malesa Parkinson: Diferente estudio a siña nos cu cafeina ta reduci e risico di e malesa Parkinson cu 30%.
Koffie ta pone bo sinti energetico: Un kopie di koffie ta hisa bo metabolismo, esaki ta haci bo mente y curpa energetico.
Koffie ta un bon fuente di antioxidante: Koffie ta yen di antioxidantenan cu ta yuda preveni varios malesa.
Riba Dia Internacional di Koffie 2021, nos ta desea cu bo kopie di dushi koffie ta semper banda di bo pa yena bo cu energia y wanta bo cla pa cualkier reto.
Feliz Dia Internacional di Koffie 2021!
