Segun e website di noticia NTN24, fuentenan diplomatico a confirma awe diamars cu e presentador di TV ta wordo busca na 195 pais. Interpol a emiti un alerta cora di localisacion contra e presentador di origen Peruano Laura Bozzo, nan ta en busca di si persona pa motibo di evasion fiscal.
Segun prensa Mexicano, un hues federal dianan pasa a ordena detencion di Bozzo, cu tin vinculo cu e proceso di benta di un propiedad cu tabata embarga pa departamento di Finanzas Mexicano.
E propiedad tabata garantisa e pago di un debe fiscal pa un suma di 627.000 dollar aproximadamente.
Bozzo ta un persona conoci di 69 aña di edad cu na final di añanan 90 a conduci programanan di TV polemico tipo ‘talk show’ cu tabata wordo transmiti na diferente pais di Latino America y unda tabata discuti diferente problemanan social.
