(CuraçaoChronicle) – Polis na Corsou a aresta Gregory F. Weekend ultimo. Esaki tabata riba peticion di Hulanda. E ta sospecha di traficacion internacional di droga. F. Ta considera un contacto criminal di Ridouan Taghi.
A aresta Gregory F. Na un hotel na Jan Thiel, en conexion cu un caso grandi di droga. Segun husticia. Taghi a manda F. un mensahe na 2015 tocante armanan haya na Nieuwegein na Hulanda. E trafico di mensahe tambe a tuma luga riba dia 9 di september 2015, despues di asesinato di doño di spy shop, Ronald Bakker. Taghi ta informa Gregory F. di e asesinato. E mensahenan manda ta agrega na e dossier criminal di caso Marengo.
Ta sospecha Gregory F. di participacion den traficacion di droga internacional na gran escala. F. tambe lo tin un rol den e investigacion ‘Carnelian’ di 2010, y e lo ta un partner na Ennetcom: celularnan cu cual criminalnan por manda mensahe na otro. Ridouan Taghi tambe a usa un celular asina.
Pronto ta bay traslada F. na Hulanda. Su abogado a nenga di duna comentario riba e aresto.
