Tur cuatro Prome Minister di Reino Hulandes ta forma parti di e delegacion di Reino cu ta bay ta presente durante e di 76 Asamblea General di Nacionnan Uni e luna aki.
Segun informacion di website noticiero CuraçaoChronicle, prome minister di Aruba, Evelyn Wever-Croes, Gilmar Pisas di Corsou y Silveria Jacobs di St. Maarten ta bay participa den varios evento cu ta bay ta organisa den proximo simannan, incluyendo esnan enfoca riba Metanan di Desaroyo Sostenibel (SDGs), Liderazgo di Hende Muhe, y Estadonan Isla Chikito den Desaroyo (SIDS).
Un bishita conhunto na New York ta ofrece prome minister Pisas – mas di tres luna despues di asumi su cargo – e oportunidad pa personalmente conoce su contraparte Hulandes, Mark Rutte.
