(CuraçaoChronicle) – Contraloria General (Algemene Rekenkamer) di Corsou a entrega un reporte titula ‘Preparacion pa Dengue’ na Parlamento. E reporte ta contene varios recomendacion, pero tambe ta conclui cu Corsou no ta suficientemente prepara pa un brote di malesa relaciona na e Arbovirus, manera dengue, zika y chikungunya.
Corsou tabatin varios caso di infeccion viral den ultimo dies aña. Na 2015, en conexion cu e ola e tempo ey prevalente di chikungunya, parlamento a solicita pa Contraloria General ehecuta un investigacion na e ministerio di Salud, Medio Ambiente y Naturalesa.
A haci investigacion riba e medidanan cu a tuma pa preveni y limita e transmision di e virus di chikungunya. Ademas, e forma den cual mester maneha un posible brote tambe a keda examina.
Pa motibo di e desaroyonan actual rond di dengue y otro malesa arboviral y e necesidad pa modera e brote di virus di dengue den e region, manera reporta pa Organisacion Pan Americano di Salud (PAHO), Contraloria General ta haci un yamado pa accion.
E investigacion ta mustra cu gobierno a implementa apenas tres recomendacion di e reporte di 2015. Basa riba esaki, segun Contraloria General, por conclui cu Corsou no ta prepara pa un brote nobo di dengue, zika of chikungunya.
